Má bjóða þér tækjatryggingu Origo?

Nú er hægt að kaupa tækjatryggingu á völdum vörum í verslunum Origo svo sem fartölvum, myndavélum, linsum, sjónvörpum og snjallsímum. 

Tækjatrygging Origo er seld í samstarfi við Vátryggingafélag Íslands (VÍS) sem greiðir Origo þóknun af sölu tækjatrygginga og eru umboðslaun greidd sem hlutfall af iðngjaldi.

Hvað á ég að gera ef ég lendi í tjóni? 

Þú hefur samband við Þjónustumiðstöð Origo sem annast viðgerðarþjónustu og ábyrgðarmál. Þjónustumiðstöð okkar að Köllunarklettsvegi 8 er opin alla virka daga frá 09:00 - 17:00.  Ekki er þörf á að hafa samband við VÍS. 

Netfang: verkstaedi@origo.is

Sími: 516-1900.

Hvernig kaupi ég tækjatryggingu Origo? 

Þegar þú setur vöru í körfu í netverslun Origo kemur sjálfkrafa upp valmöguleiki til að bæta við tryggingu. Jafnframt er hægt að kaupa tryggingu þegar vara er keypt í verslun okkar Borgartúni 37 eða í Þjónustumiðstöð okkar, Köllunarklettsvegi 8. 

Hvernig virkar Tækjatrygging Origo?

Tækjatrygging Origo er mun víðtækari en heimilistrygging en tryggingin bætir beint tjón af völdum skyndilegs og ófyrirsjáanlegs utanaðkomandi atviks s.s. bruna- eða vatnstjóns, innbrots og/eða óhapps. Sömuleiðis bætir tryggingin einnig beint tjón af völdum innri bilunar. Tryggingin er ekki með neina eigin áhættu og gildir hvar sem er í heiminum.

Ef til tjóns kemur þá mun það ekki hafa áhrif á þau kjör sem þú ert með hjá þínu tryggingafélagi.

Helstu upplýsingar um trygginguna (IPID)

Lesa skilmála

Kvartanir og ábendingar

Ef óánægja kemur upp með þjónustu, afgreiðslu mála eða hvernig hefur verið staðið að viðskiptasambandi má koma kvörtun á framfæri skriflega með því að senda hana á vis@vis.is.

VÍS meðhöndlar kvartanir sem berast samkvæmt verklýsingu um meðhöndlun kvartana og ábendinga. Ef málsaðili unir ekki niðurstöðu um meðhöndlun kvörtunar hjá VÍS þá er hægt að skjóta henni til Úrskurðarnefndar í vátryggingamálum. Úrskurðarnefnd starfar samkvæmt samkomulagi fjármála- og efnahagsráðuneytisins, Neytendasamtakanna og Samtaka fjármálafyrirtækja og fjallar um ágreining varðandi bótaskyldu, þ.m.t. sök og sakarskiptingu milli neytenda og vátryggingafélaga.

Samanburður á milli tækjatryggingar og heimilistryggingar: